A Mafia Ferrolana

Non só os italianos ou os chinos teñen mafia. Increíblemente nós, tamén tivemos a nosa o que pasa é que son desas historias que nunca che contan e quedas sin sábelo ata que por casualidade aparece Manolo. É un tipo que non sei como carallo fai, pero fales do que lle fales nunca o pillas en nada, o tío está enterado de todo, e como non lle podemos contar nada que non sepa, só nos queda escoitar como pampos o que di nas súas clases.

A verdade é que hai cousas que non me interesan moito pero por outro lado teño que recoñecer que hai cousas curiosas que nunca imaxinei que poderían pasar nun sitio como Galicia e moito menos en Ferrol. Con isto refírome a banda dos Soupiñas.

Os Soupiñas eran unha banda de ladróns moi moi ben organizada que se adicaba a roubar, extorsionar e incluso secuestrar a personaxes de Ferrol.

Chegou a contar con 135 membros entre eles xente respetable cos seus propios negocios. Non sei moi ben se iso de respetable está ben aplicado, posto que para pertencer a unha banda de estas, non sei se fará falta ser moi respetable.

O seu líder era un rico comerciante chamado Manuel de la Cruz. Manuel cuida ben dos seus homes posto que teñen un xornal fixo e unha paga para as viuvas (consecuencias de ter un marido nunha banda de estas)

En 1832 chega a Ferrol o coronel Zumalacárregui que monta un sistema polo cal consegue atrapar a máis de 40 membros e finalmente desmantelar a banda.

O motivo de creación da banda remóntase a entrada dos 100.000 fillos de San Luis en Ferrol que provocou a miseria total da terra. Pero por si fora pouco, en 1925 Ferrol perde a súa categoría de capital departamental e pasa a depender completamente de Cádiz. Todo isto provocou unha situación de malestar na terra e sumándolle a corrupción no poder e o relaxamento das forzas armadas, a delincuencia aumenta considerablemente e provoca a creación de bandas organizadas como os Soupiñas.